അതെ, മാധ്യമങ്ങള് പ്രവചിച്ചപോലെ,
തമിഴ്നാട് കത്തുകയാണ്!
കടകളില് തീയും പുകയും!
റോഡ് മുഴുവനും നിര്ത്തിയിട്ടിരിക്കുന്ന വാഹനങ്ങള്!
മെറീനാ കടല്ക്കരയില് ലക്ഷക്കണക്കിന് തമിഴര്
എല്ലായിടത്തും കൊടികള്!
ചെന്നൈയില് ആകെ ബഹളമാണ്!
കോയമ്പത്തൂരില് തിക്കും തിരക്കും!
അതെ, പ്രതീക്ഷിച്ചതുപോലെ തമിഴ്നാട് കത്തുകയാണ്!
ഇനിയും അല്പം കൂടി പറഞ്ഞാല്......
അതെ, മാധ്യമങ്ങള് പ്രവചിച്ചപോലെ,
തമിഴ്നാട് കത്തുകയാണ്, കത്തിരിച്ചൂടില്!
കടകളില് സിഗരറ്റ് വലിക്കുന്നവരുടെ
ചുണ്ടുകളില് തീയും പുകയും!
റോഡ് മുഴുവനും നിര്ത്തിയിട്ടിരിക്കുന്ന വാഹനങ്ങള്
(സിഗ്നല് ചുവപ്പ് ഉള്ളിടത്ത്)!
മെറീനാ കടല്ക്കരയില് ലക്ഷക്കണക്കിന് തമിഴര്,
ചൂടായതിനാല് കാറ്റ് കൊള്ളുന്നു!
എല്ലായിടത്തും കൊടികള്,
ഇലക്ഷന് ഇപ്പോള് കഴിഞ്ഞതല്ലേ ഉള്ളൂ!
ചെന്നൈയില് ആകെ ബഹളമാണ്, ബിസിനസ് നഗരമല്ലേ!
കോയമ്പത്തൂരില് തിക്കും തിരക്കും, തമിഴ്നാട്-കേരളാ ബോര്ഡറിനടുത്തല്ലേ!
അതെ, മാധ്യമങ്ങള് പ്രവചിച്ചപോലെ,
തമിഴ്നാട് കത്തുകയാണ്, കത്തിരിച്ചൂടില്!
(ആക്ഷേപഹാസ്യ വിഭാഗത്തില് പെട്ടൊരു കവിതയാണ് ഇത്. എനിക്ക് കയ്യും താങ്ങും തണലുമായി നിന്നിരുന്ന മാന്യ വായനക്കാര്ക്ക് ഈ കവിതയും ഇഷ്ടമാവുമെന്ന് പ്രതീക്ഷിക്കുന്നു - സ്വന്തം രാഗേന്ദു)
ലോഡുചെയ്യുന്നു...
പ്രതികരണങ്ങള്